دل بعض و حسد سے رنجور نہ کر یہ نور خدا ہے اس سے بے نور نہ کر
مسلم کانفرنس پوری طاقت سے بلدیاتی انتخابات میں حصہ لے رہی ہے، سردار عتیق احمد خان
No image مظفرآباد (کشیر رپورٹ)آل جموں کشمیر مسلم کانفرنس کے قائد سردار وعتیق احمد خان نے کہا ہے کہ کہ مسلم کانفرنسی کارکن بلدیاتی انتخابات کی تیاریاں کریں کارکنوں کی مشاورت سے امیدواروںکو ٹکٹ جاری کیے جائے گئے ،سیاسی کارکنون کو مرکزی دھاڑے میں لانے کے لیے بلدیاتی انتخابات کا کردار بنیادی ہوتا ہے ، لیکن کچھ وجوہات کی بنا پر طویل عرصے سے بلدیاتی انتخابات منعقد نہ ہو سکے ہم عدالت عظمیٰ کے فیصلے کی روشنی میں بلدیاتی انتخابات منعقد ہو رہے ہیں، مسلم کانفرنس پوری طاقت کے ساتھ بلدیاتی انتخابات میں حصہ لے رہی ہے بلدیاتی انتخابات کے سلسلہ مین ضلعی سطح پر پارلیمانی بورڈ بنائے گئے اور امیدواران سے درخواستیں لینے کا سلسلہ شروع کیا گیا ہے۔
انہوں نے کہا کہ مسلم کانفرنسی تاریخی حیثیت کی حامل جماعت ہے اس جماعت کو مضبوط کرنا ریاستی تشخص اور تحریک آزادی کومضبوط کرنا ہے۔ اب وقت آگیا ہے کہ پارٹی کارکنان پورے اعتماد کے ساتھ جماعت کو مضبوط کرنے کیلئے کام کریں۔مسلم کانفرنس ہمارے آبائواجداد کا ورثہ ہے اس کی حفاظت اور آبیاری کے لیے تمام تر صلاحیتیں بروئے کا لائیں گئے۔ آزادکشمیر کے آمدہ بلدیاتی انتخابات میں مسلم کانفرنس بھرپور طریقے سے حصہ لے گی۔کارکنان صفوں میں اتحاد برقرار رکھیں۔وہ کارکن جو مشکل وقت میں جماعت کے ساتھ کھڑے رہے وہ ہمارا قیمتی اثاثہ ہیں۔انہوں نے کہا کہ سپریم کورٹ نے بلدیاتی انتخابات کااعلان کیا جو احسن اقدام ہے 32سال بعد بلدیاتی انتخابات سے اقتدار نچلی سطح پرمنتقل ہوگا اور عوامی مسائل حل ہونگے۔ مسلم کانفرنس کے تمام کارکنان بلدیاتی انتخابات میں کامیابی کے لئے ڈور ٹوڈور مہم شروع کریں مسلم کانفرنس بھاری اکثریت سے کامیابی حاصل کریگی۔
واپس کریں