دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر( کشیر رپورٹ)مقبوضہ کشمیر کے دارلحکومت سرینگر میں اتوار کو ایک ریچھ کے حملے میں ایک شخص زخمی ہو گیا۔سری نگر کے لال منڈی علاقے میں ریچھ کے حملے میں ایک نجی سکول کا گارڈ فیاض احمد بٹ ساکن حبہ کدل زخمی ہوگئے ،ریچھ کے حملے میں اس کا چہرہ اور دونوں بازو زخمی ہوئے تاہم ہسپتال میں اس کی حالت بہتر ہے۔علاقے میںر یچھ کی تلاش جاری ہے۔ واضح رہے کہ متنازعہ ریاست جموں وکشمیر کی سیز فائر لائین، لائین آف کنٹرول پہ ہندوستانی فوج کی طرف سے تنصیب کردہ خار دار تاروں کی باڑ کی وجہ سے کشمیر کی جنگلی حیات شدید متاثر ہو رہی ہے ، ان کی آمد و رفت کے راستے مسدود ہوئے ہیں جس سے جنگلی جانور اکثر آبادیوں کی طرف نکل آتے ہیں۔