دل بعض و حسد سے رنجور نہ کر
یہ نور خدا ہے اس سے بے نور نہ کر
مظفر آباد( کشیر رپورٹ)جموں کشمیر لبریشن فرنٹ کے مرکزی ترجمان محمد رفیق ڈار نے سنٹرل انفارمیشن آفس سے جاری اپنے ایک بیان میں تحریک آزادء جموں کشمیر کے چوٹی کے اہم رہنما سید علی شاہ گیلانی کی پہلی برسی کے موقع پر تحریک میں گراں قدر خدمات کے پیش نظر انہیں زبردست خراج عقیدت پیش کیا۔ انہوں نے کہا کہ سید علی شاہ گیلانی بھارت مخالف اپنے فعال اور غیر متزلزل کردار کی پاداش میں بھارت کے عتاب کے شکار رہے اور کئی بار سالہاسال تک جیلوں کی زنیت بھی بنتے رہے۔ جماعت اسلامی کے پلیٹ فارم پر پہلے بھارت کے زیر نگرانی نام نہاد اسمبلی انتخابی سیاست اور بعد ازاں آل پارٹیز حریت کانفرنس و مشترکہ مزاحمتی قیادت کے پلیٹ فارم پر تحریک آزادی کے انقلابی و عملی جدوجہد میں آخر وقت تک سید علی شاہ گیلانی جموں کشمیر لبریشن فرنٹ کے محبوس چیئرمین محمد یاسین ملک کے ساتھ تحریک کی قیادت کرتے رہے۔