دل بعض و حسد سے رنجور نہ کر یہ نور خدا ہے اس سے بے نور نہ کر
مقبوضہ کشمیر، گرینڈ پھٹنے سے انڈین فوج کے دو افسر ہلاک، چار فوجی زخمی، پلوامہ میں آزادی پسند مسلح مزاحمت کاروں کے حملے میں ' سی آر پی ایف' کا افسر ہلاک
No image سرینگر( مانیٹرنگ رپورٹ) مقبوضہ کشمیر میں سیز فائر لائین( لائین آف کنٹرول ) پہ بم دھماکے میں ایک کیپٹن سمیت ہندوستانی فوج کے دو افسر ہلاک اور چار فوجی زخمی ہو گئے،جبکہ مقبوضہ کشمیر کے پلوامہ ضلع میں آزادی پسند مسلح مزاحمت کاروں کے ایک حملے میں ہندوستانی مسلح فورس کا ایک افسر ہلاک ہو گیا۔ تفصیلات کے مطابق مقبوضہ کشمیر کے پونچھ سیکٹر میں سیز فائر لائین( کنٹرول لائین) پہ گشت کے دوران ایک بم دھماکے میں ہندوستانی فوج کا ایک کیپٹن، ایک جونیئر کمیشنڈافسر ہلاک اور چار فوجی زخمی ہو گئے۔ہندوستانی فوج کے مطابق یہ واقعہ پونچھ کے مینڈھر سیکٹر میں رات کے وقت اس وقت پیش آیا جب ایک گرینڈ اتفاقی طور پر پھٹ گیا۔
مقبوضہ کشمیر کے جنوبی ضلع پلوامہ میں ہندوستانی فورسز کی ایک چوکی پہ آزادی پسند مسلح مزاحمت کاروں کے ایک حملے میں سنٹرل ریزرو پولیس فورس کی182بٹالین کا اسسٹنٹ سب انسپکٹر ونود کمار ہلاک ہو گیا جس کا تعلق ہندوستانی علاقے 'یو پی' سے بتایا جاتا ہے۔ہندوستانی مسلح فورس کے افسر کو شدید زخمی حالت میں ہسپتال لیجایا گیا جہاں وہ زخموں کی تاب نہ لاتے ہوئے ہلاک ہو گیا۔
واپس کریں