دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر( کشیر رپورٹ)مقبوضہ کشمیر کے پونچھ سیکٹر میں ہندوستانی فوج نے آزاد کشمیر کی ایک ادھیڑ عمر خاتون کو سیز فائر لائین( لائین آف کنٹرول) سے گرفتار کیا ہے۔ہندوستانی فوجی حکام کے مطابق پونچھ سیکٹر کے چکاں دا باغ علاقے میں آزاد کشمیر کی ایک49سالہ خاتون روزینہ کو گرفتار کر لیا۔ہندوستانی فوج کا دعوی ہے کہ اس خاتون نے کنٹرول لائین کو عبور کیا جس پر فوج نے اسے گرفتار کر لیا۔واضح رہے کہ ہندوستانی فوجی متنازعہ ریاست جموں وکشمیر کو غیر فطری اور کشمیریوں کو جبری طورپر تقسیم کرنے والی سیز فائر لائین( لائین آف کنٹرول) سے آئے روز آزاد کشمیر کے باشندے کو گرفتار کرتی ہے جو کنٹرول لائین سے ملحقہ آزاد کشمیر کے علاقے میں رہتے ہیں۔ چند ماہ پہلے ہی ہندوستانی فوج نے آزاد کشمیر کے ایک 14سالہ لڑکے عبدالصمدکو گرفتار کیا تھا جس کا گھر کنٹرول لائین سے بالکل ساتھ واقع ہے۔