دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر ( کشیر رپورٹ)ہندوستان کی حکمران پارٹی بی جے پی لیڈروں کے ر توہین رسالت کے بیانات کے خلاف آج، جمعہ کو سرینگر کے مختلف علاقوں میں لوگوں نے ہڑتال کی ۔ سرینگر میں ڈائون ٹائون، لال چوک اور دیگر علاقوں میں بیشتردکانیں اور کاروباری مراکز بند رہے۔ قابض انتظامیہ نے بی جے پی کے لیڈروں کے گستاخانہ بیانات کے خلاف احتجاجی مظاہروں کو روکنے کے لیے سرینگر اور وادی کشمیر کے دیگر علاقوں میں بھارتی فوجیوں اور پولیس اہلکاروں کو بھاری نفری تعینات کردی۔ زبردست مظاہروں کے خوف سے انتظامیہ نے لوگوں کو تاریخی جامع مسجد سرینگر اور دیگر مساجد میں نماز جمعہ ادا کرنے کی بھی اجازت نہیں دی۔دریں اثنا بھارتی فوجیوں نے کولگام ، شوپیاں ، پلوامہ اور اسلام آباد کے اضلاع میں آج مسلسل چوتھے دن بھی اپنی تلاشی اور محاصرے کی پر تشدد کارروائیاں جاری رکھیں ۔ فوجیوں نے اب تک ان کارروائیوں کے دوران 6نوجوانوںکو شہید کر دیاہے۔ہندوستانی قابض انتظامیہ نے بھدروہ قصبے میں آج مسلسل 9ویں روز بھی کرفیو جاری رکھا اور بی جے پی رہنمائوں کے اشتعال انگیز بیانات کے خلاف احتجاجی مظاہروں کو روکنے کیلئے بھارتی فورسز کے مزید اہلکار تعینات کر دیے۔ 9 جون کی شام کوبی جے پی لیڈروں کے گستاخانہ بنایات کے خلاف احتجاج کرنے والے مسلمانوں پر ہندوتوا تنظیموں کے حملے کے بعد قصبے میں کرفیو نافذ کیاگیا تھا۔