ماسکو(مانیٹرنگ رپورٹ)روس نے یروشلم میں عیسائیوں کی تعداد میں نمایاں کمی پر تشویش کا اظہار کیا ہے۔روس کی وزارت خارجہ کی ترجمان ماریا زاخارووا نے ایک بیان میں کہا کہ روس کو یروشلم میں عیسائیوں کی مسلسل کم ہوتی تعداد پر تشویش ہے۔ روسی ترجمان نے کہا کہ مشرق وسطی میں عیسائیوں کی موجودگی کے تحفظ اور مذہبی حقوق اور آزادیوں کو یقینی بنانے کی کوششوں کے احترام کو فروغ دینے کے لیے پرعزم ہے۔قبل ازیں یروشلم میں کیتھولک چرچوں کے سربراہان کی کونسل کے ترجمان ودیح ابو نصر نے کہا کہ 1922 میں یروشلم کی آبادی کا تقریبا 25 فیصد عیسائی تھے۔
اسرائیلی ذرائع کے مطابق 2019 تک یروشلم کی آبادی 936,000 تھی۔ شہر کی آبادی کا %62 یہودیوں پر مشتمل ہے، جبکہ باقی %38 فلسطینی ہیں۔ ابو نصر نے کہا کہ عیسائیوں کی آبادی یروشلم کی کل تعداد میں 10,000 سے بھی کم ہے۔ اسرائیل میں عیسائیوں کی تعداد میں مسلسل کمی کی وجوہات معاشی اور سیاسی عدم مساوات ہیں جس پر قابو پانے کے لئے اسرائیلی حکومت تاحال ناکام ہے۔

واپس کریں