دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر ( کشیر رپورٹ)مقبوضہ کشمیر میں سویلین افراد کی ٹارگٹ کلنگ کا ایک سلسلہ چل نکلا ہے۔انہی دنوں ایک ہندوس سرکاری ملازم، ایک ہندو خاتون سکول ٹیچر، ایک مسلم ٹی وی فن کار، ایک ہندو بنک ملازم اور ایک غیر کشمیری مسلم کو ٹارگٹ کلنگ کا نشانہ بنایا گیا۔ سویلین افراد کی ان ہلاکتوں کی مقبوضہ کشمیر کے عوامی حلقوں میں وسیع پیمانے پر مذمت کی جار ہی ہے۔ ہندوستانی حلقوں میں ان ٹارگٹ کلنگز کی ذمہ داری آزادی پسند مسلح تنظیموں پر عائید کی جار ہی ہے جبکہ کئی کشمیری حلقوں کا کہنا ہے کہ ہندوستانی حکومت کشمیریوں کے خلاف اپنی ظالمانہ، انسانیت سوز کاروائیوں کا جواز پیش کرنے اور کشمیریوں کے خلاف اپنے دیگر ناپاک عزائم کی وجہ سے خود ایسے حملے کروا رہی ہے جیسا کہ چھٹی سنگھ پورہ میں سکھوں کا قتل عام کیا گیا اور دیگر ایسی ہلاکتیں ہندوستانی ایجنسیوں کی مدد سے کی گئیں۔