دل بعض و حسد سے رنجور نہ کر
یہ نور خدا ہے اس سے بے نور نہ کر
مظفر آباد۔14 اپریل ، 2022( کشیر رپورٹ) آزاد کشمیر کے وزیر اعظم عبدالقیوم نیازی نے اپنے خلاف عدم اعتماد تحریک پیش کرنے میں ملوث5وزراء کو کابینہ سے برطرف کر دیا ہے جس میں سینئر موسٹ وزیر تنویر الیاس بھی شامل ہیں۔تنویر الیاس عبدالقیوم نیازی کے خلاف وزیر اعظم بننا چاہتے ہیں۔ اطلاعات کے مطابق برطرف ہونے والے وزراء میں سینئر وزیر سردار تنویر الیاس کے علاوہ عبد الماجد خان، علی شان سونی، خواجہ فاروق اور اکبر ابراہیم شامل ہیں۔وزیر اعظم آزادکشمیر کے ترجمان کے مطابق ان وزرا کو مس کنڈکٹ، بدعنوانی اور مشکوک سرگرمیوں پر کابینہ سے نکالا گیا ہے اور ان کی برطرفی کانوٹیفیکیشن بھی جاری کر دیا گیا ہے۔