دل بعض و حسد سے رنجور نہ کر
یہ نور خدا ہے اس سے بے نور نہ کر
لاہور5اپریل2022۔ پاکستان مسلم لیگ ن کی نائب صدر مریم نواز نے کہا ہے کہ سپریم کورٹ میں درخواست گزار پی ڈی ایم نہیں، پاکستان کا آئین ہے، ڈکٹیٹرز نے اتنے بدترین طریقے سے آئین نہیں توڑا، جس بے شرمی سے عمران نے توڑا، عمران خان نے قومی سلامتی کے اعلامیے کا غلط استعمال کیا، نیشنل سیکیورٹی کمیٹی عمران بچا ئوکمیٹی نہیں ہے، ان کو علم تھا کہ جب خط قوم کے سامنے آئے گا تو پول کھل جائے گا، خط کا ڈرامہ کرنا تھا اس سے ایک دن پہلے پاکستانی سفیر کو راتوں رات امریکا سے برسلز بھیجا، یہ خط نہ تھا نہ ہے، یہ ایک ڈرامہ تھا جس کا پول کھل چکا ہے، ڈپٹی اسپیکرکی رولنگ کہہ رہی تھی کہ آئین کونہیں مانتا، آئین کے خلاف اسپیکر حکم دیتا ہے تو اسے پارلیمنٹ کی کارروائی میں چھپایا نہیں جاسکتا، اسپیکر اگر آئین کے خلاف حکم دے تو کیا اس کو کہیں چھپنے کی اجازت ہوگی ۔