دل بعض و حسد سے رنجور نہ کر
یہ نور خدا ہے اس سے بے نور نہ کر
مظفر آباد( کشیر رپورٹ) آزاد کشمیر کے صدر بیرسٹر سلطان محمود چودھری نے کوٹلی بار سے خطاب میں'' پیس فل اسمبلی اینڈ پبلک آرڈر آرڈیننس'' کو ' بلیک لاء ' قرار دے دیا۔آزاد کشمیر کے صدر بیرسٹر سلطان محمود چودھری نے کوٹلی بار سے خطاب میں کہا کہ آرڈیننس حکومت جاری کرتی ہے اور اگر صدر اس پہ دستخط نہ بھی کرے تو وہ سات دن میں آرڈیننس بن جاتا ہے۔صدر بیرسٹر سلطان محمود چودھری نے کہا کہ جب وہ میرے پاس دستخط کرانے آئے تو میں نے ان سے کہا کہ یہ ' بلیک لاء ' ہے۔ واضح رہے کہ وزیر اعظم چودھری انوار الحق حکومت کی طرف سے کہا جا رہا ہے کہ یہ آرڈیننس عوام کے مفاد میں جاری کیا گیا ہے۔واضح رہے کہ آزاد کشمیر میں پیس فل اسمبلی اینڈ پبلک آرڈر آرڈیننس کو آزادی اظہار کے منافی قرار دیتے ہوئے وسیع پیمانے پہ اس کی مخالفت کی جار ہی ہے اورآزاد کشمیر کے مختلف علاقوں میں اس کے خلاف مظاہرے کئے جا رہے ہیں۔