دل بعض و حسد سے رنجور نہ کر
یہ نور خدا ہے اس سے بے نور نہ کر
نیلم(پی آئی ڈی) مورخہ 07نومبر 2023۔چیف سیکرٹری آزاد کشمیر محمد داؤد بریچ نے منگل کے روزجاگراںہائیڈل پاور پراجیکٹ کا دورہ کیا۔ انہوں نے فیزi-کا جائزہ لیا اور فیزii- کے جاری تعمیراتی کام کاموقع پر تفصیلی معائنہ کیا۔چیف سیکرٹری آزاد کشمیر محمد داؤد بریچ نے ہائیڈل پاور پراجیکٹ جاگراں فیزii-میں تأخیرکی وجوہات ،بروقت تکمیل کیلئے حائل رکاوٹوں کی نشاندہی اور ان کے حل کیلئے درکار وسائل کے حوالے سے کٹن کالونی میں جائزہ اجلاس کی صدارت کی۔ اس موقع پر ان کے ہمراہ سیکرٹری توانائی و آبی وسائل ظفر محمود خان، سیکرٹری بورڈ آف ریونیو خواجہ اعجاز احمد بھی موجود تھے۔ چیف سیکرٹری آزاد کشمیر کو مینجنگ ڈائریکٹر پی ڈی او آزاد کشمیرخواجہ مسعودقادر،چیف انجینئیر/پراجیکٹ ڈائریکٹرجاگراں فیزii- شاہد اقبال، ڈپٹی ڈائریکٹرسول جواد عثمانی نے منصوبے کے تعمیراتی کام سے متعلق تفصیلی بریفنگ دی۔ اجلاس میںچیف سیکرٹری آزاد کشمیر نے منصوبے کی بروقت تکمیل میں حائل رکاوٹوں کو دورکرنے کیلئے درکار وسائل پر غورکرنے کے بعدمتعلقہ افراد کو موقع پرہدایات جاری کیں۔ چیف سیکرٹری آزاد کشمیر نے جاگراںہائیڈل پاور پراجیکٹ فیزii- کو میعاد کے اندر مکمل کرنے کیلئے فوری طور پرنظر ثانی پی سی ون تیار کرنے کی ہدایت کی۔