دل بعض و حسد سے رنجور نہ کر
یہ نور خدا ہے اس سے بے نور نہ کر
نئی دہلی( کشیر رپورٹ) ہندوستان میں ورلڈ کپ کرکٹ ٹورنامنٹ کے موقع پر دارلحکومت نئی دہلی میں ہندوئوں نے ذہنی طور پر معذور ایک مسلمان نوجوان کو لاٹھیوں سے مارتے ہوئے ہلاک کر دیا۔ پولیس کے مطابق ہلاک کیئے جانے والے نوجوان پہ الزام تھا کہ اس نے دہلی کے شمال مشرقی علاقے سندر نگری میں پوجا کے ایک پنڈال سے پرساد چور ی کیا۔ہندوئوں نے ایثار محمد نامی ذہنی معذور کو بجلی کے کھمبے سے باندھ کر کئی گھنٹے تک شدید تشدد کا نشانہ بنایا اور اسے لاٹھیوں نے بری طرح مارا گیا۔معذور نوجوان کھانے کی تلاش میں ہندوئوں کے پنڈال میں داخل ہوا تھا جس پہ اسے پکڑ کر اس وحشیانہ تشدد کا نشانہ بنایا گیا۔ پوسٹ مارٹم رپورٹ میں کہا گیا ہے کہ مقتول کے سر، پیٹھ، ہاتھ اور پیر سمیت اس کے پورے جسم پر زخموں کے نشانات ہیں۔ موت کی وجہ صدمہ اور خون بہنا بتایا جارہا ہے۔اس نوجوان کو مسلسل چار گھنٹے تک تشدد کانشانہ بنایا گیا۔اس دوران لوگ مجمع لگا کر یہ سب دیکھتے رہے اور کسی نے بھی قاتلوں کو تشدد سے نہیں روکا۔ واضح رہے کہ ہندوستان میں اقلیتوں، بالخصوص مسلمانوں کو ہندو گروہوں کے ہاتھوں تشدد کر کے ہلاک کرنے کے واقعات عام ہیں۔