دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد(پی آئی ڈی) 3 ستمبر 2023 ۔آزادجموں و کشمیر کے وزیراعظم چوہدری انوارالحق نے کہا ہے کہ بجلی کی قیمتوں میں اضافے کا آزادکشمیر میں بھی اثر پڑا ہے جس کی وجہ سے لوگوں نے احتجاج کیا اس پر میں نے اضافے پر عملدرآمد روک دیا اور لوگوں سے کہا کہ وہ پچھلی قیمتوں پر ہی بل جمع کروائیں ۔نجی ٹی وی کے پروگرام میں اظہار خیال کرتے ہوئے انہوں نے کہا کہ سینٹ کی کمیٹی میں بھی یہی بات رکھی کہ ہمارا جو پوٹینشل ہے وہ اٹھائیس سو کے قریب ہے ،ہم وفاق سے دو روپے انسٹھ پیسے کے حساب سے خرید رہے ہیں منگلا اور نیلم جہلم سے جو بجلی خریدی جا رہی ہے وہ آٹھ روپے کے حساب سے ہے ہم بھی یہی کہتے ہیں کہ آپ ہمیں اسی ریٹ پر دیں ۔ 1967 میں جب منگلا ڈیم بنا اور پھر 2003 میں جب اسے آپ ریز کیا گیا تو ہم چاہتے ہیں کہ ہمیں پاور پرچیز کمپنی کے بجائے بجلی دی جائے اس پر پھر ہم فیصلہ کریں گے کہ ہم نے اپنے شہریوں کو کس ریٹ پر دینی ہے ۔انہوں نے کہا کہ آزادکشمیر کا محکمہ برقیات کو تبدیل کرنے جا رہا ہوں تاکہ بجلی کی سپلائی بہتر ہو آپ مجھے براہ راست بجلی دیں یہ جتنے ہاتھوں میں ہو گی اتنا ہی گرے ایریاز کا اضافہ ہو گا ۔انہوں نے کہا کہ اگر براہ راست بجلی ملے گی تو ادارہ بنانے کا فائدہ ہو گا ۔انہوں نے کہا کہ پہلا حق ان علاقوں کا ہوتا ہے جو پروڈکشن کرتے ہیں یہ آئین میں بھی واضح ہے ۔ہمارا مسئلہ اسطرح حل ہو گا کہ ہمیں اس سے براہ راست دائرہ اٹھانے کا موقع دیا جائے ۔انہوں نے کہا کہ تھرمل پاور پروڈیوسر نے کثیر تعداد میں پاور پلانٹ لگائے جو بہت مہنگی ہے جبکہ ہائیڈرل بجلی اسکے مقابلے میں بہت سستی ہے ،آزادکشمیر میں نو ہزار میگا واٹ کا پوٹینشل موجود ہے جس سے فایدہ اٹھایا جانا چاہیے۔