دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد (پ ر)سابق وزیراعظم راجہ محمد فاروق حیدرخان نے کہا ہے کہ اگر آزادکشمیر کے عوام حکومت مقبوضہ کشمیر کے مظلوم عوام کے لیے اپنا بھرپور کردار ادا نہیں کرسکتے تو یہاں اتنا بڑا سیٹ اپ رکھنے کا کوئی جواز نہیں نہ پاکستان نہ ہندوستان کو یہ حق ہے کہ وہ کشمیریوں کو تقسیم کرسکے، 84 ہزار مربع میل ریاست ایک جزو لاینفک ہے ،کشمیریوں کو بین الاقوامی سطح پر اپنا مقدمہ موثر انداز میں پیش کرنے کے لیے حکومت پاکستان سہولت کاری کرے ،او آئی سی میں آزادکشمیر کومبصر کا درجہ دیا جائے، مقبوضہ کشمیر کے عوام کی قربانیوں کو فراموش کرنا غداری ہوگی، مقبوضہ جموں وکشمیر میں جی ٹونٹی اجلاس اقوام متحدہ سلامتی کونسل کی قراردادوں کی خلاف ورزی ہے، جی ٹونٹی میں وہ ممالک شامل ہیں جو اقوام متحدہ کے بانی ہیں وہ اگرمتنازعہ علاقے میں اس اجلاس میں شریک ہوں اور ان قراردادوں کی خلاف ورزی کریں تو پھر اس ادارے کا کیا جواز باقی رہ جاتا ہے؟