دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد(پی آئی ڈی)20اپریل2023۔آزادجموں وکشمیر قانون ساز اسمبلی میں چوہدری انوارالحق کو قائد ایوان منتخب ہونے پرایوان میں سینئر ممبران اسمبلی و پارلیمانی لیڈرز کی مبارکباد۔ قائد حزب اختلاف چوہدری لطیف اکبر نے نومنتخب وزیراعظم چوہدری انوارالحق کو مبارکباد دیتے ہوئے کہاہے کہ اللہ تعالی نے جس منصب سے چوہدری انوارالحق کو نوازا یہ نصیب اور اعزاز کی بات ہے، چوہدری انوارالحق کو پیپلز پارٹی آزادکشمیر نے اپنی قیادت کے کہنے پر ووٹ دیا۔ نئے وزیراعظم سے کہوں گا کہ مظفرآباد کو بیس کیمپ بنائیں اور تحریک آزادی کشمیر کیلئے کردار ادا کریں۔