دل بعض و حسد سے رنجور نہ کر
یہ نور خدا ہے اس سے بے نور نہ کر
لندن (کشیر رپورٹ) سابق وزیراعظم آزاد حکومت ریاست جموں کشمیر و مرکزی نائب صدرپاکستان مسلم لیگ ن راجہ محمد فاروق حیدرخان کی قائد مسلم لیگ ن محمد نوازشریف سے لندن میں ان کی رہائش گاہ پر تفصیلی ملاقات ہوئی۔ سابق وزیراعظم تقریبا چار گھنٹے قائد مسلم لیگ ن نواز شریف کے ہمراہ رہے، اس دوران مسئلہ کشمیر کی تازہ ترین صورتحال، آزادکشمیر کے سیاسی معاملات، جماعتی و تنظیمی امورسمیت اہم معاملات پر تفصیلی تبادلہ خیال ہوا۔ اس دوران نماز جمعہ بھی انہوں نے ہمراہ قائد مسلم لیگ ن کے ہمراہ ادا کی۔ قائد مسلم لیگ ن نواز شریف نے اس موقع پر اظہار خیال کرتے ہوے کہا کہ مسلم لیگ ن نے اپنے دور حکومت میں آزادکشمیر میں مثالی کام کیے، تعمیر و ترقی مالیاتی ڈسپلن اور بہترین گورننس کی آج مثالیں دی جاتی ہیں الحمدللہ مسلم لیگ ن نے پاکستان اور آزادکشمیر کے لوگوں کی خدمت کی ہے۔سابق وزیراعظم و مرکزی نائب صدر پی ایم ایل این راجہ محمد فاروق حیدر خان نے اس موقع پر کہا کہ مسلم لیگ ن کو قائد کی بھرپور سرپرستی سے ہم نے اپنے دور میں تعمیر و ترقی مالیاتی خودمختاری انتظامی اختیارات حاصل کرکہ ان کے ثمرات عوام تک پہنچاے اور قائد مسلم لیگ ن کے تعمیر و ترقی کے ویثرن کو آزادکشمیر میں عملی جامہ پہنایا۔ بعد ازاں ملاقات میں سابق امیدوار اسمبلی و سابق صدر مسلم لیگ ن برطانیہ زبیر اقبال کیانی، امجد فاروق شفیق پلاہلوی، توقیر مرزا و دیگر نے بھی شریک ہوئے اور قائد مسلم لیگ نواز شریف سے ملاقات کی۔