دل بعض و حسد سے رنجور نہ کر
یہ نور خدا ہے اس سے بے نور نہ کر
مظفر آباد (کشیر رپورٹ) کشمیر بنک کو شیڈولڈ ہونے سے روکنے کے لئے مختلف لابیاں ان عناصر کی ایماء پہ سرگرم ہو گئی ہیں جن کے مالی مفادات کشمیر بنک کے شیڈولڈ ہونے سے متاثر ہونے کا خدشہ ہے۔آزاد کشمیر کے کشمیر بنک کو شیڈولڈ کرنے کی کاروائی تیزی سے جاری ہے اور گورنر سٹیٹ بنک آف پاکستان نے بھی کشمیر بنک کو شیڈولڈ کرنے سے متعلق اصولی اتفاق کر لیا ہے تاہم اس عمل کے ساتھ ہی مختلف عناصر کی طرف سے کشمیر بنک کے خلاف منفی پروپیگنڈہ مہم تیز کی گئی ہے۔