دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد(پی آئی ڈی)09 فروری 2023 ۔آزاد جموں وکشمیر کے سینئر موسٹ وزیر حکومت / وزیر بلدیات و دیہی ترقی خواجہ فاروق احمد نے کہا ہے کہ 09 فروری کشمیر کی تاریخ میں ایک المناک دن کے طور پر یاد رکھا جائے گا جب کشمیری شہید افضل گورو کو ایک جھوٹ اور اور من گھڑت کیس میں پھانسی نے پھندے پر چڑھا دیا۔افضل گورو نے اپنی جان کی قربانی دے کر تحریک آزادی کشمیر کی شمع کو روشن رکھا۔کشمیری شہید افضل گورو نوجوان نسل کے لیے رول ماڈل کی حیثیت رکھتا ہے،افضل گورو اور مقبول بٹ شہید کی میت آج بھی ہندوستان کے پاس موجود ہیں۔اب وقت آگیا کہ ہم بھارت کا مقروب چہرہ ساری دنیا کے سامنے رکھیں۔وزیراعظم آزاد حکومت سردار تنویر الیاس خان کی کابینہ اور اپوزیشن نے پاکستان کی قومی اسمبلی کے اجلاس میں شرکت کی اور کشمیریوں کے حق میں قرارداد پیش کی۔05 فروری کو پاکستان کے وزیراعظم آزاد کشمیرقانون ساز اسمبلی میں تشریف لائے اور یقین دلایا کہ پاکستان سفارتی اور اخلاقی لحاظ سے کشمیری قوم کے ساتھ کھڑا ہے۔ففتھ جنریشن وار اورسوشل میڈیا کا دور ہے، نوجوان بذریعہ سوشل میڈیا اپنا کردار ادا کریں اور بھارت کا مقروب چہرہ ساری دنیا کے سامنے عیاں کریں۔ ہم ہندوستان کی ہر سازش کو ناکام بنائیں گے،ہندوستان کا مکروہ چہرہ ساری دنیا کو دیکھیں گے۔وہ ان خیالات کا اظہار09 فروری یوم شہادت افضل گورو کی برسی سے خطاب کے دوران کر رہے تھے۔