دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد ( کشیر رپورٹ)سابق صدر جنرل ریٹائرڈ پرویز مشرف طویل عرصے علیل رہنے کے بعد 79 برس کی عمر میں دبئی میں قائم امریکی ہسپتال میں اتوار کی صبح وفات پا گئے ۔سابق صدر پرویز مشرف 11 اگست 1943 کو دہلی میں پیدا ہوئے، انہوں نے کراچی کے سینٹ پیٹرک ہائی اسکول اور ایف سی کالج لاہور سے تعلیم حاصل کی اور 1961 میں پاک فوج میں کمیشن حاصل کیا۔جنرل ریٹائرڈ پرویز مشرف نے کمانڈ اینڈ اسٹاف کالج کوئٹہ سے گریجویشن کی اور رائل کالج اور ڈیفنس اسٹڈیز برطانیہ سے بھی کورسز کیے۔ پرویز مشرف نے بعد میں اسپیشل سروسز گروپ میں شمولیت اختیار کی، انہوں نے 1965 اور 1971 کی جنگوں میں بھی حصہ لیا۔پرویز مشرف 7 اکتوبر 1998 کو چیف آف آرمی اسٹاف کے عہدے پر فائز ہوئے۔پرویز مشرف نے کارگل آپریشن میں مرکزی کردار ادا کیا۔پرویز مشرف نے 12 اکتوبر 1999 کو فوجی بغاوت کی سربراہی کرتے ہوئے نواز شریف حکومت ختم کر کے خود ملک کے چیف ایگزیکٹیو بن گئے۔