دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد(کشیر رپورٹ)سابق وزیراعظم پاکستان و پاکستان مسلم لیگ ن کے سینئر رہنما شاہد خاقان عباسی اور سابق وزیراعظم آزاد حکومت ریاست جموں کشمیر راجہ محمد فاروق حیدر خان نے یہاں کشمیر ہائوس میں سابق پولیٹیکل ایڈوائزر و مسلم لیگی رہنما فدا حسین کیانی کی عیادت کی۔سابق وزیر حکومت و ممبر اسمبلی حافظ احمد رضا قادری، سابق امیدوار اسمبلی سردار منظر بشیر ایڈووکیٹ، سابق پولیٹیکل سیکرٹری وزیراعظم راجہ محمودخان بھی ان کے ہمراہ تھے۔ انہوں نے فدا حسین کیانی جو پانچ ماہ سے کینسر کے عارضہ میں مبتلا ہیں کی خیریت معلوم کی اور نیک خواہشات کا اظہار کرتے ہوئے ان کی جلد صحت یابی کیلئے دعا کی۔ اس موقع پر غلام عباس کیانی، راجہ عثمان یعقوب، راجہ ذوالقرنین، محمود عارف، محمد ارسلان خان،بھی موجود تھے۔ فدا حسین کیانی جن کی دو ماہ قبل ٹیومر کی سرجری ہوئی تھی، سی ایم ایچ راولپنڈی کے سینئر سرجن اور ڈاکٹرز کی نگرانی میں زیر علاج ہیں۔