دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد(پی آئی ڈی)24 جنوری2023۔سیکرٹری اطلاعات آزادحکومت ریاست جموں و کشمیر عنصریعقوب کا چارج سنبھالنے کے بعد پی آئی ڈی کمپلیکس کا پہلا دورہ، ڈائریکٹر جنرل اطلاعات راجہ اظہر اقبال نے سیکرٹری اطلاعات کو نظامت اعلی تعلقات عامہ کے مختلف شعبہ جات کا دورہ کروایا اور بریفنگ دی۔ ڈائریکٹر ز اطلاعات امجد حسین منہاس اور محمد بشیر مرزا،ڈپٹی سیکرٹری اطلاعات عمران سلیم،ڈپٹی ڈائریکٹررابطہ دفتر تعلقات عامہ راولپنڈی عندلیب ساحر بٹ،ڈپٹی ڈائریکٹر میرپور طارق جمیل درانی اور ڈپٹی ڈائریکٹر پونچھ سعداللہ خان بھٹی،آفیسران نظامت اعلی تعلقات عامہ اور تمام ضلعی آفیسران اس موقع پر موجودتھے۔ ڈائریکٹر جنرل اطلاعات نے سیکرٹری اطلاعات کو میڈیا پالیسیز، قانون سازی، شعبہ اشتہارات، الیکٹرانک و پرنٹ میڈیا،ڈیجیٹل و سوشل میڈیا،ڈیکلریشن و مانیٹرنگ سیکشنز اور آزادجموں وکشمیر پریس فانڈیشن کے حوالہ سے بریفنگ دی جبکہ آفیسران اطلاعات راجہ محمد سہیل خان، قرا العین شبیر، راجہ عبدالباسط اور سردار شمیم انجم نے سیکرٹری اطلاعات کو اپنے اپنے شعبہ جات بارے بریف کیا۔