دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد(پی آئی ڈی) سینئر موسٹ وزیر حکومت /چیئرمین قومی تقریبات کمیٹی خواجہ فاروق احمد کی زیر صدارت قومی تقریبات کمیٹی کا اجلاس منعقد ہوا۔ اجلاس میں پارلیمانی سیکرٹری و ترجمان آزادحکومت پروفیسر تقدیس گیلانی، سیکرٹری اطلاعات انصر یعقوب، سیکرٹری سپورٹس چوہدری محمد رقیب،ایڈیشنل سیکرٹری جنرل سروسز ثریا، کمشنر مظفرآباد ڈویژن مسعود الرحمن،ڈی آئی جی مظفرآباد ریجن عرفان مسعود کشفی، ڈائریکٹرلبریشن کمیشن راجہ سجاد،ڈائریکٹر انتظامیہ راجہ اسلم نے شرکت کی۔ اجلاس میں فیصلہ کیا گیا کہ 26 جنوری کو ہندوستان کے یوم جمہوریہ کو یوم سیاہ کے طور پر اور 05 فروری یوم یکجہتی کشمیر بھر پور انداز سے منائے جائیں گے۔ 05 فروری کی تقریبات میں تمام سیاسی جماعتوں کو مدعو کیا جائے گا۔ تمام ملازمین اپنی حاضری کو یقینی بنائیں گے اور پروگرام میں بھرپور شرکت کریں گے۔ ڈپٹی کمشنر ز ضلعی سطح پر05فروری یوم یکجہتی کشمیر ریلی کی قیادت کریں گے۔ یکم فروری سے 04 فروری تک Solidarity Week منایا جائے گا۔