دل بعض و حسد سے رنجور نہ کر
یہ نور خدا ہے اس سے بے نور نہ کر
نئی دہلی(کشیر رپورٹ)سابق کانگریسی لیڈر، مقبوضہ جموں و کشمیر کی نئی سیاسی جماعت ڈیموکریٹک آزاد پارٹی کے سربراہ غلام نبی آزاد کے17قریبی ساتھی دوبارہ کانگریس میں شامل ہو گئے ہیں جبکہ غلام نبی آزاد نے کانگریس میں شامل ہونے سے انکار کر دیا۔اس سے پہلے میڈیا اطلاعات میں بتایا گیا تھا کہ غلام نبی آزاد جمعہ کو نئی دہلی میں کانگریس میں شامل ہوں گے۔آج، جمعہ کو غلام نبی آزاد کے 17ساتھیوں، سیاسی رہنمائوں نے کانگریس کے نئی دہلی دفتر میں کانگریس میں شامل ہونے کا اعلان کیا۔کانگریس کے دفتر میں پریس کانفرنس میں مقبوضہ جموں وکشمیر کے ان 17رہنمائوں نے کانگریس میں شمولیت کا اعلان کیا۔ یہ تمام رہنما غلام نبی آزاد کے ساتھ کانگریس کوچھوڑ گئے تھے۔کانگریس میں دوبارہ شامل ہونے والوںمیں تارا چند، پیرزادہ محمد سعید، بلوان سنگھ، ایڈوکیٹ مظفر پرے، ایڈوکیٹ موہندر بھاردواج، بھوشن ڈوگرا، ویرود شرما، نریندر شرما، نریش شرما، امریش منگوترا، سبھاش بگھت، سنتوش منہاس، بدری ناتھ شرما، ورون منگوترا، انورادھا شرما ، وجے سرگوترا۔ایم پی راجیہ سبھا اور اے آئی سی سی جنرل سکریٹری (تنظیم) کے سی وینوگوپال نے کہا کہ قائدین دوبارہ پارٹی میں شامل ہوگئے ہیں۔انہوں نے اس موقع پر بھارتی حکمران جماعت' بی جے پی ' کا نام لئے بغیر کہا کہ بھارت میں سیکولرازم کو ختم کرنے والی پارٹی کے عزائم کو ناکام بنانا ضروری ہے۔