دل بعض و حسد سے رنجور نہ کر
یہ نور خدا ہے اس سے بے نور نہ کر
راولپنڈی(پی آئی ڈی ) 3 جنوری 2023 ۔کشمیر پالیسی ریسرچ انسٹیٹیوٹ جموں و کشمیر لبریشن کمیشن کے زیر اہتمام یوم حق خودارادیت کے موقع پر کل 5 جنوری 2023 بوقت 30-1 بجے دن ملٹی پرپز ہال جموں و کشمیر ہاس اسلام آباد میں ایک سمینار کا انعقاد کیا جارہا ہے۔ جموں و کشمیر لبریشن کمیشن میڈیا ونگ کی طرف سے جاری پریس ریلیز کے مطابق سمینار کے مہمان خصوصی صدر آزادجموں و کشمیر بیر سٹر سلطان محمود چوہدری ہوں گے۔ جبکہ سمینار سے آزاد جموں و کشمیر یونیورسٹز کے فیکلٹی ممبران ، دانشور، صحافی اور سکالرز شریک ہوں گے۔ یاد رہے کہ 5 جنوری 1949 کو اقوام متحدہ کے کمیشن برائے ہندوستان و پاکستان نے کشمیریوں کے حق خودارادیت کے حوالے سے قرارداد منظور کی تھی، جس میں کشمیریوں کو استصواب رائے کا حق دیا گیا تھا۔