دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد، 30 دسمبر (کشیر رپورٹ) وزیر اعظم شہباز شریف کے زیر صدارت قومی سلامتی کمیٹی کے اجلاس میں دو ٹوک رائے کا اظہار کیا گیا کہ پاکستان کے قومی مفادات پر کوئی سمجھوتہ نہیں کیا جائے گا اور کسی کو قومی سلامتی کو نقصان پہنچانے کی اجازت نہیں دی جائے گی۔اس بات پر زور دیا گیا کہ پاکستان کی بقا، سلامتی اور ترقی کے مفادات کا انتہائی حوصلے، مستقل مزاجی اور استقامت کے ساتھ تحفظ کیا جائے گا۔اجلاس میں دہشت گردی کے واقعات میں جانیں گنوانے والے شہدا کی عظیم قربانیوں کو خراج عقیدت پیش کیا گیا اور اظہار ہمدردی کیا گیا۔اجلاس میں دہشت گردوں کو پاکستان کا دشمن قرار دیتے ہوئے ان کے خاتمے کے عزم کا اظہار کیا گیا۔اس بات پر زور دیا گیا کہ پوری قوم دہشت گردی اور دہشت گردوں کے خلاف مشترکہ بیانیے پر متحد ہے۔قومی سلامتی کمیٹی (این ایس سی) کا اجلاس پیر کو سفارشات کے مطابق اپنے فیصلوں کو حتمی شکل دے گا۔