دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد(کشیر رپورٹ) پاکستان نے بھارت کے ساتھ مزاکرات کے حوالے سے کہا ہے کہ پاکستان پرامن ہمسائیگی تعلقات پر یقین رکھتا ہے اور پاکستان بھارت کے ساتھ مشروط مذاکرات چاہتا ہے، اگر بھارت دہشتگردی ترک کر کے کشمیرکا مسئلہ حل کرنے میں سنجیدگی دکھائے تو تمام تنازعات پر بات چیت ہو سکتی ہے۔ہفتہ وار پریس بریفنگ دیتے ہوئے ترجمان دفتر خارجہ ممتاز زہرا بلوچ نے کہا کہ پاکستان نے بھارتی ریاستی دہشتگردی پر ڈوزئیر اقوام متحدہ کو دیا، او آئی سی سیکرٹری جنرل نے 11 دسمبر کو آزاد جموں کشمیر کا دورہ کیا، پاکستان سے بھارت کے تعلقات واضح ہیں، بھارتی حکام پر منحصر ہے کہ ذمہ داری کا مظاہرہ کریں، پاکستان اقوام متحدہ کی قراردادوں کے مطابق مسئلہ کشمیرکے حل کے لیے کوشاں رہیگا، بھارت پاکستان میں دہشتگرد تنظیموں کی پشت پناہی ختم کرے، پاک چین تعلقات کو خراب کرنے کے لیے پروپیگنڈا کیا جاتا ہے جبکہ کلبھوشن جادھو کے کیس میں تاحال پاکستان میں مقف میں کوئی تبدیلی نہیں آئی ہے۔