دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام باد ( کشیر رپورٹ) سینئر وزیر و وزیر بلدیات خواجہ فاروق احمد کی صدر مملکت پاکستان ڈاکٹر عارف علوی سے ملاقات، سینئر وزیر کی طرف سے صدر مملکت کو 5 فروری یوم یکجہتی کشمیر کے موقع پر آزاد جموں و کشمیر قانون ساز اسمبلی اور کشمیر کونسل کے مشترکہ اجلاس میں شرکت کی دعوت دی گئی ۔ صدر پاکستان ڈاکٹر عارف علوی نے کہا کہ پاکستان جدوجہد آزاد ی میں مصروف کشمیریوں کی سیاسی، سفارتی اور اخلاقی حمایت جاری رکھے گا، 5 فروری کو یوم یکجہتی کشمیر حسب روایت جوش و جذبے کے ساتھ قومی سطح پر منایا جائے گا، اہل پاکستان کشمیریوں سے عملی یکجہتی کے لیے ہر سال 5 فروری کو یوم یکجہتی کشمیر کے نام سے قومی دن کے طور پر مناتے ہیں، پاکستانیوں اور کشمیریوں کا نظریاتی اور روحانی رشتہ ہے جو ہمیشہ قائم و دائم رہے گا۔ صدر مملکت نے کہا کہ کشمیریوں کی جدوجہد آزاد ی حق پر مبنی ہے، کشمیریوں کے حق خودارادیت کو عالمی برادری نے تسلیم کر رکھا ہے، پاکستان ہمیشہ ہی کشمیریوں کے بین الاقوامی طور پر تسلیم شدہ حق خودارادیت کی حمایت کر تا رہا ہے اور کرتا رہے گا۔ پاکستان کشمیریوں کی جدوجہد اور حق خودارادیت کی اس وقت تک حمایت جاری رکھے گا جب تک کہ کشمیر بھارتی چنگل سے آزاد ہو کر پاکستان کا حصہ نہیں بن جاتا۔