دل بعض و حسد سے رنجور نہ کر یہ نور خدا ہے اس سے بے نور نہ کر
بلدیاتی انتخابات کے دوران ٹرن آئوٹ مثالی، عوام کا جوش و خروش قابل تعریف۔ چیف الیکشن کمشنر جسٹس ریٹائرڈ عبدالرشید سلہریا
No image مظفرآباد(پی آئی ڈی)09دسمبر2022۔آزادجموں وکشمیر میں بلدیاتی انتخابات کا تیسرا اور آخری مرحلہ مکمل ہو گیا۔ چیف الیکشن کمشنر آزادجموں وکشمیر جسٹس ریٹائرڈ عبدالرشید سلہریا نے آج میرپور ڈویژن میں پولنگ کا عمل مکمل ہونے کے بعد ریاستی دارلحکومت مظفرآباد میں الیکشن کمیشن کے مرکزی کنٹرول روم میں میرپور ڈویژن میں ہونے والے بلدیاتی انتخابات کے نتائج کا اعلان کیا۔چیف الیکشن کمشنر جسٹس ریٹائرڈ عبدالرشید سلہریا نے اس موقع پر بلدیاتی انتخابات کے پرامن اور آزادانہ انعقاد پر اعلی عدلیہ، وزیراعظم آزاد کشمیر ، حکومت آزادکشمیر ، چیف سیکرٹری، آئی جی پولیس، پاک آرمی، لوئر کورٹس، جملہ سیاسی قائدین ،سرکاری ملازمین،انتظامی افسران، میڈیا ، محکمہ اطلاعات،آئی ٹی بورڈ ،محکمہ لوکل گورنمنٹ اور باالخصوص عوام الناس کا شکریہ ادا کرتے ہوئے کہا کہ تمام اسٹیک ہولڈرز کی جانب سے بلدیاتی انتخابات کے بہترین انتظامات اور عوام الناس کے تعاون کی وجہ سے تین دھائیوں بعد بلدیاتی انتخابات کا عمل بہترین اور پرامن انداز میں مکمل ہو گیا، آج آزادکشمیر کی تاریخ کا اہم ترین دن ہے ۔تینوں ڈویژن میں پولنگ کے دوران عوام نے باشعور اور ذمہ دار ہونے کا ثبوت دیا، بلدیاتی انتخابات کے دوران عوام کا جوش و خروش قابل تعریف تھا جبکہ مجموعی طور پر الیکشن کا ماحول انتہائی شاندار پرامن رہا جس پر تمام اسٹیک ہولڈرز مبارکباد کے مستحق ہیں۔چیف الیکشن کمشنر آزادجموں وکشمیر جسٹس ریٹائرڈ عبدالرشید سلہریا نے کہا کہ آزاد کشمیر میں تین دھائیوں بعد ہونے والے بلدیاتی انتخابات کے دوران ٹرن آئوٹ مثالی رہا، 31 سال بعد ہونے والے بلدیاتی انتخابات آزادکشمیر کی تاریخ کے پر امن ترین الیکشن ہیں جس کا کریڈٹ تمام اسٹیک ہولڈرز کو جاتا ہے۔انہوں نے کہا کہ امن او امان کی صورتحال برقرار رکھنے میں حکومت آزادکشمیر بالخصوص چیف سیکرٹری، آئی جی، کمشنرز صاحبان ، ڈی آئی جیز، ڈی سی صاحبان ، پاک آرمی، جوڈیشل افسران ، پنجاب پولیس ایف سی، کے پی پولیس سرکاری ملازمین ،آزاد کشمیر پولیس، انتظامی افسران آزاد خطہ کے باشعور اور ذمہ دار شہریوں نے اپنا کلیدی کردار ادا کیا۔ چیف الیکشن کمشنر آزادجموں وکشمیر نے کہاکہ بلدیاتی انتخابات کے حوالہ سے میڈیا اور محکمہ اطلاعات نے شاندار کمپین کے ذریعے لوگوں کو ووٹ کی اہمیت اجاگر کرنے اور پرامن طور پر حق رائے دہی استعمال کرنے کی جانب راغب کرنے میں اہم کردار ادا کیا۔انہوں نے کہا کہ جن لوگوں نے بھی بلدیاتی انتخابات کے انعقاد میں اپنا کردار ادا کیا وہ سب مبارکباد کے مستحق ہیں۔
واپس کریں