دل بعض و حسد سے رنجور نہ کر
یہ نور خدا ہے اس سے بے نور نہ کر
مظفر آباد(کشیر رپورٹ) الیکشن کمیشن نے سپریم کورٹ کو مطلع کیا ہے کہ مطلوبہ تعداد میں سیکورٹی فورسز مہیا نہ ہونے کی وجہ سے آزاد کشمیر میں ایک ہی دن بلدیاتی انتخابات کا انعقاد انتہائی مشکل ہے، حکومت کو معقول تعداد میں سیکورٹی فورسز کی فراہمی یقینی بنانے کے لئے مناسب احکامات جاری کرنا ضروری ہے۔سیکرٹری الیکشن کمیشن نے طرف سے رجسٹرار سپریم کورٹ کے نام21نومبر کو ارسال کردہ رپور ٹ میں بتایا گیا ہے کہ الیکشن کمیشن نے 27نومبر کو بلدیاتی انتخابات منعقد کرانے کے لئے انتظامات مکمل کر لئے ہیں تاہم حکومت کی طرف سے مطلوبہ تعداد میں سیکورٹی اہلکار مہیا نہیں کئے گئے ہیں اور بلدیاتی انتخابات کے لئے مطلوبہ تعداد میں سیکورٹی فورسز کی فراہمی کا معاملہ غیر یقینی کا شکار ہے۔رپورٹ میں مزید بتایا گیا ہے کہ آزاد کشمیر میںپولیس کی کل تعداد8ہزار ہے اور اس میں سے بلدیاتی انتخابات کے لئے صرف ساڑھے چار ہزار سے پانچ ہزار کی نفری فراہم ہو سکتی ہے۔