دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد(کشیر رپورٹ)پاکستان مسلم لیگ ن آزاد جموں و کشمیر کے سیکرٹری جنرل اور سابق سینئر وزیر چوہدری طارق فاروق نے کہا ہے کہ مسلم لیگ ن 6 نومبر ''یوم شہدا جموں '' عقیدت و احترام سے منائے گی۔انہوں نے آزاد کشمیر،پاکستان اوردنیا بھر میں کشمیریوں اور باالخصوص مسلم لیگ ن آزاد جموں کشمیرکے عہدے داران اور کارکنان سے اپیل کی ہے کہ وہ 6 نومبر کو تقریبات اور سیمنارز کا انعقاد کر کے ان عظیم شہدا کو خراج عقیدت پیش کریں جنہوں نے نومبر1947کے پہلے ہفتے میں ڈوگرہ استبداد کے مظالم کا مقابلہ کرتے ہوئے اپنی جانوں کی قربانی دی۔