دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد 4 نومبر 2022(کشیر رپورٹ) پاکستان نے 6 سے 15 نومبر تک گرو نانک کے یوم پیدائش کے موقع پر ہندوستان میں رہنے والے سکھوں کے لئے3000 ویزے جاری کئے ہیں۔ حکومت کی طرف سے پاکستان کے متعدد شہروں میں ہونے والی سکھ مذہب کی تقریبات میں شرکت کے لیے 1974 کے مذہبی مقامات کے دورے سے متعلق پاکستان بھارت پروٹوکول کے فریم ورک کے تحت ہندوستانی یاتریوں کو ویزے جاری کئے جاتے ہیں اور ہندوستان سے سکھ یاتریوں کی ایک بڑی تعداد مذہبی تہواروں اور خاص مواقع پر پاکستان کا دورہ کرتی ہے۔اطلاعات کے مطابق نئی دہلی میں قائم پاکستانی سفارت خانے سے تین ہزار کے قریب سکھ یاتریوں کو گرو نانک صاحب کے یوم پیدائش کی تقریبات میں شرکت کے لئے ویزے جاری کئے ہیں۔سکھ یاتری ڈیرہ صاحب، پنجہ صاحب، ننکانہ صاحب اور کرتارپور صاحب کے گردواروں کا سفر کریں گے۔ وہ 6 نومبر کو پاکستان میں داخل ہوں گے اور 15 نومبر کو بھارت واپس آئیں گے۔