دل بعض و حسد سے رنجور نہ کر
یہ نور خدا ہے اس سے بے نور نہ کر
بیجنگ03نومبر (کشیر رپورٹ)چین نے دیرینہ مسئلہ کشمیر کو اقوام متحدہ کی سلامتی کونسل کی قراردادوں کے مطابق حل کرنے پر زوردیتے ہوئے کہا ہے کہ پرامن اور خوشحال جنوبی ایشیا تمام فریقوں کے مشترکہ مفاد میں ہے۔چین نے مسئلہ کشمیر حل کرنے کا یہ مطالبہ زیر اعظم شہباز شریف کے دو روزہ دورہ چین کے اختتام پر جاری مشترکہ اعلامیہ میں کیا ہے ۔ پاکستان نے چین کو جموں و کشمیر کی موجودہ صورتحال سے آگاہ کیا۔ چین نے اس عزم کا اعادہ کیا کہ مسئلہ کشمیر تاریخ کا ادھورا تنازعہ ہے جسے اقوام متحدہ کے منشور، سلامتی کونسل کی متعلقہ قراردادوں اور دو طرفہ معاہدوں کی بنیاد پر پرامن طورپرحل کیا جانا چاہیے۔ اعلامیہ میں تمام تصفیہ طلب تنازعات کو مخلصانہ بات چیت کے ذریعے حل کرنے کی اہمیت پر زور دیاگیا ہے۔پاکستان اور چین نے دوطرفہ سدابہار تذویراتی اشتراک عمل کو مزید مضبوط کرنے اور تمام شعبوں میں عملی تعاون بڑھانے کے عزم کا اعادہ کیا۔