دل بعض و حسد سے رنجور نہ کر
یہ نور خدا ہے اس سے بے نور نہ کر
نئی دہلی: کانگریس کے نومنتخب صدر ملکارجن کھرگے نے کہا ہے کہ ہندوستان کا سب سے بڑا مسئلہ مہنگائی، شدید بے روزگاری، امیر اور غریب کے درمیان فرق اور ملک میں' بی جے پی ' حکومت کی طرف سے پھیلائی گئی نفرت ہے، میںہندوستان میں جمہوریت کو مضبوط کرنے کے لئے پارلیمنٹ سے لے کر سڑک تک لڑوں گا اور کانگریس کارکنوں کے ان پر کئے گئے اعتماد پر پورا اتروں گا۔ کانگریس کے نومنتخب صدر ملکارجن کھرگے نے پارٹی صدر منتخب ہونے کے بعد اپنی رہائش گاہ پر نامہ نگاروں سے کہا کہ ملک کو کسی ڈکٹیٹر کی خواہشات کے سامنے نہیں چھوڑا جا سکتا، اس لیے سب کو مل کر ان طاقتوں کے خلاف لڑنا ہو گا۔کانگریس کے نو منتخب صدر نے کہا کہ آپ نے مجھ پر بھروسہ کیا ہے اور ایک غریب گھرانے میں پیدا ہونے والے ایک عام کارکن کو کانگریس کا صدر بنایا ہے، میں آپ کے اعتماد پر پورا اتروں گا۔