دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد(پی آئی ڈی)19 اکتوبر2022۔آزادجموں وکشمیر الیکشن کمیشن نے بلدیاتی انتخابات میں عوام کی زیادہ سے زیادہ شرکت یقینی بنانے کےلئے کاغذات نامزدگی جمع کروانے کی تاریخ میں توسیع کر دی ۔ الیکشن کمیشن سے جاری ترمیمی نوٹیفکیشن کےمطابق امیدواران کی جانب سے کا غذات نامزدگی 24اکتوبر2022تک جمع کروائے جا سکتے ہیں جبکہ تعطیلات کے دوران بھی امیدواران کی جانب سے کاغذات نامزدگی جمع کروائے جا سکیں گے ۔ الیکشن کمیشن کی جانب سے25 اکتوبر کو کاغذات نامزدگی کی جانچ پڑتال کے بعد نامزد اہل امیدواران کی فہرست جاری کی جائے گی۔ نوٹیفکیشن کے مطابق 25 اور 26اکتوبر کو کاغذات نامزدگی کی مستردگی کے خلاف اپیلٹ ٹریبونل کے پاس اپیلیں دائر کی جا سکیں گی جبکہ27اور 28 اکتوبر تک ان اپیلوں کی سماعت اور ان پر فیصلے دیے جائیں گے۔ 29 اکتوبر سہ پہر دو بجے تک امیدوار الیکشن سے دستبرداری کا اعلان کر سکیں گے جبکہ 29 اکتوبر کو سہ پہر دو بجے کے بعد امیدواروں کی حتمی فہرست شائع کی جائے گی۔ 31 اکتوبر کو امیدواران کو انتخابی نشانات الاٹ کیے جائیں گے اور امیدوارا ن کی نشانات کے ساتھ حتمی فہرست شائع کی جائیگی۔ 27نومبر 2022بروزاتوار کو صبح 8بجے سے شام 5بجے تک بلاتعطل پولنگ ہوگی۔