دل بعض و حسد سے رنجور نہ کر
یہ نور خدا ہے اس سے بے نور نہ کر
برمنگھم( کشیر رپورٹ)ریاست جموں وکشمیر میں ہندوستانی فوج داخل ہونے کے حوالے سے27اکتوبر کو کشمیریوں کے یوم سیاہ کے موقع پر برطانیہ سمیت تمام یورپ میں مقیم کشمیری ہندوستان کے خلاف احتجاجی مظاہرے کریں گے ۔ تحریک کشمیریورپ کے صد رمحمد غالب اور تحریک کشمیربرطانیہ کے صدر فہیم کیانی نے مشترکہ طور اعلان کیاہے کہ تحریک کشمیر27اکتوبر کو پورے یورپ میں یوم سیا ہ منائے گی،ہندوستان نے 27اکتوبر کو کشمیرپر جبرا قبضہ کیاتھا جو تاحال جاری ہے ،کشمیر پر بھارت کی ننگی جارحیت 75 سالہ غاصبانہ قبضہ بھارتی فوج کی دہشتگردی اور انسانی حقوق کی پامالیوں کے خلاف تحریک کشمیر یورپ کے زیراہتمام ہفتہ سیاہ کشمیر منایا جائے گا 27 اکتوبر 1947 کو بھارت نے کشمیر میں اپنی فوجیںداخل کر کے کشمیریوں کی مرضی کے خلاف غیر قانونی قبضہ کیا کشمیری عوام کے رد عمل کے نتیجے میں بھارت خود اقوام متحدہ میں گیا اور پوری دنیا کے سامنے وعدہ کیا کہ وہ کشمیریوں کو اپنے مستقبل کا فیصلہ کرنے قانونی اور جمہوری حق دے گا مگر بھارت نے ابھی تک اپنے وعدوں پر عمل درآمد نہیں کیا۔