دل بعض و حسد سے رنجور نہ کر
یہ نور خدا ہے اس سے بے نور نہ کر
واشنگٹن( کشیر رپورٹ) امریکہ کے محکمہ داخلہ میں مذہبی ہم آہنگی کی25رکنی کونسل میں ہندو مذہب کی نمائندگی میں ہندوستان کی انتہا پسند تنظیم ' راشٹریہ سیوک سنگ' ، آر ایس ایس کے ہندوستانی نژاد امریکی چندرو آچاریہ کو شامل کرنے پر امریکہ میں مسلم تنظیموں نے سخت احتجاج کرتے ہوئے اس فیصلے کی مذمت کی ہے اور واضح کیا ہے کہ مذہبی پم آہنگی کی سرکاری کونسل میں ہندوئوں کی نمائندگی ایک انتہا پسند ہندوتنظیم ' آ ر ایس ایس ' کے رکن کو دینا ہر لحاظ سے غیر مناسب اور قابل اعتراض اقدام ہے۔ امریکی محکمہ داخلہ کی مذہبی ہم آہنگی کونسل میں ایک انتہا پسند ہندو تنظیم ' آر ایس ایس' کے رکن کی شمولیت پر مسلم امریکن باڈیز اینڈ ایکٹوسٹس (MABA) نے چندرو آچاریہ کی تقرری پر اعتراض داخل کرایا ہے۔ چندرو آچاریہ کو DHS نے ستمبر کے آخر میں امریکی حکومت کو گھریلو مسائل پر مشورہ دینے کے لیے مقرر کیا گیاتھا۔ انڈین امریکہ مسلم کونسل (IAMC) کے ایگزیکٹو ڈائریکٹر رشید احمد نے کہا کہ HSS آر ایس ایس کی ایک غیر ملکی شاخ ہے۔ وہ کسی بھی مذہبی آزادی کونسل میں ایچ ایس ایس جیسی تنظیموں کو شامل کرنے کی سخت مخالفت کرتے ہیں۔