دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد( کشیر رپورٹ) وزیر خارجہ بلاول بھٹو زرداری اور پاکستان مسلم لیگ ن کے قائد محمد نواز شریف نے امریکی صدر جو بائیڈن کے پاکستان کے ایٹمی پروگرام کے بارے میں مبہم اور الزام پر مبنی بیان کی مذمت کی ہے۔ وزیر خارجہ بلاول نے کہا ہے کہ پاکستان کے ایٹمی پروگرام پر امریکی صدر کا بیان بے بنیاد ہے، ہمارا کمانڈ اینڈ کنٹرول سسٹم بالکل محفوظ ہے،یہ سمجھنا مشکل ہے کہ صدر بائیڈن نے غیرضروری ریمارکس کس تناظر میں دیئے،اس بیان پر امریکی سفیر کو طلب کریں گے، فیصلہ کیا ہے امریکی سفیر کو طلب کرکے بائیڈن کے بیان پر ڈیمارش دیں گے،، بائیڈن کا بیان حیران کن ہے۔