دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد۔13اکتوبر (کشیر رپورٹ)چیئرمین ہائیر ایجوکیشن کمیشن ڈاکٹر مختار احمد نے کہا ہے کہ پوری دنیا شعبہ تعلیم میں جدت اور ٹیکنالوجی سے استفادہ کر رہی ہے، پاکستان میں بھی اسی جدت کے پیش نظر اب جامعات کو سمارٹ کلاس رومز، بلینڈڈ ایجوکیشن اور ہائبرڈ سسٹم پر منتقل کیا جا رہا ہے کہ یہی مستقبل میں کامیابی کا تقاضا ہے، مستقبل میں کامیابی کے لیے لازم ہے کہ ہمیں زما نے کی رفتار کے ساتھ چلنا ہوگا۔ڈاکٹر مختار احمد نے بین الاقوامی اسلامی یونیورسٹی میں ساتویں بین الاقوامی اپلائیڈ بزنس ریسرچ کانفرنس کی اختتامی تقریب سے خطاب میں کہا کہ اب عمارات اور ماڈلز کی بجاے اب سمارٹ یونیورسٹی نظریہ کا دور ہے، انہوں نے کہا کہ سمارٹ یونیورسٹی ایجوکیشن نے کوویڈ میں شعبہ تعلیم کو سنبھالا دیا۔ ان کاکہنا تھا کہ جامعات ایچ ای سی کی رہنمائی میں کلاوڈ کمپیوٹنگ سے استفادہ کریں۔ انہوں نے مزید کہا کہ کہ اگلے عشروں میں ہونے والے تغیرات کو سامنے رکھ کر ٹیکنالوجی سے استفادہ کرنا ہوگا۔بلینڈڈ لرننگ اور ہائیبرڈ سسٹم سے استفادہ پر کام جاری ہے تاکہ مستقبل میں ہم دنیا سے پیچھے نہ رہ جائیں۔انہوں نے اسلامی یونیورسٹی کو بروقت اور بہترین موضوع پر بین الاقوامی کانفرنس کے انعقاد پر مبارکباد دی اور جامعات کے ساتھ بھرپور تعاون کی بھی یقین دہانی کرائی۔