دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد۔11اکتوبر (کشیر رپورٹ)پاکستان نے بھارتی وزیراعظم کی جانب سے ریاست گجرات میں عوامی ریلی کے دوران بھارت کے غیر قانونی زیر تسلط جمو ں و کشمیر سے متعلق ہٹ دھرمی اور دھونس پر مشتمل گمراہ کن بیان کو یکسر مسترد کردیا ہے۔منگل کو دفتر خارجہ سے جاری ایک بیان میں کہا گیا ہے کہ پاکستان بھارتی وزیراعظم کا مزاحیہ انداز میں یہ کہنا کہ انہوں نے کسی طریقے سے مسئلہ کشمیر حل کر لیاہے ، نہ صرف جھوٹابلکہ گمراہ کن ہے اور اس سے یہ ظاہر ہوتا ہے کہ بھارتی قیادت جموں و کشمیر میں زمینی حقائق سے کتنی غافل ہے۔ جموں و کشمیر عالمی سطح پر تسلیم شدہ تنازعہ ہے۔جموں وکشمیر سے متعلق 1948 سے اب تک قراردادیں اقوام متحدہ کے ایجنڈے میں شامل ہیں۔ تنازعہ کے حتمی حل کے لئے آزادانہ اور منصفانہ رائے شماری اقوام متحدہ کی واضح قراردوں کے باوجود بھارت نہ صرف اس پر غیر قانونی قبضہ کررکھا ہے بلکہ 9 لاکھ قابض بھارتی فورسز کی تعیناتی کے ذریعے بد ترین انسانی حقوق کی خلاف ورزیوں کا بھی ملزم ہے۔