دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد (پی آئی ڈی)6اکتوبر 2022۔ڈپٹی سپیکر آزادجموں وکشمیر قانون ساز اسمبلی چوہدری ریاض احمد کی زیر صدارت جمعرات کے روز ہونے والے اسمبلی اجلاس میں وزیراسٹیٹ ڈیزاسٹر مینجمنٹ اتھارٹی چوہدری محمد اکبر ابراہیم نے قرارد اد پیش کی جسے ایوان نے اتفاق رائے سے منظور کر لیا ۔ قرارداد میں کہا گیا کہ پاکستان میں ٹرانسجینڈرز پرسن (پروٹیکشن آف رائٹس) ایکٹ 2018نافذ العمل ہے۔ تاہم عملا یہ شریعت اسلامی کے خلاف ہے۔ اسلامی نظریاتی کونسل نے بھی اس قانون کو خلاف شریعت قرار دیا ہے۔ مملکت خداداد پاکستان اسلام کے نام پر معرض وجود میں آیا تھا۔ ایسی قانون سازی جو کہ اسلامی اصولوں کے مغائر ہے نہ صرف آئین پاکستان کی خلاف ورزی ہے بلکہ اسلامی اصولوں کی سنگین خلاف ورزی ہے۔ اس ایکٹ کی وجہ سے ملک بھر میں خصوصا مذہبی حلقوں میں شدید تشویش پائی جاتی ہے۔ لہذا یہ ایوان حکومت پاکستان سے مطالبہ کرتا ہے کہ اس ایکٹ کو فوری طور پر منسوخ کیا جائے۔