دل بعض و حسد سے رنجور نہ کر
یہ نور خدا ہے اس سے بے نور نہ کر
چندی گڑھ ( کشیر رپورٹ) ہندوستان کے سکھوں میں ہندوستان سے آزادی اور الگ ریاست خالصتان کی حمایت میں تیزی سے اضافہ ہندوستانی حکومت کے لئے بڑی پریشانی کا باعث ہے۔ پنجاب سمیت ہندوستان کی چھ ریاستوں پر مشتمل خالصتان کی تحریک دن بدن تیز سے تیز ہوتی جا رہی ہے اور ہندوستانی حکومت نے سینکڑوں کی تعداد میں خالصتان کے حامیوں کو پہلے ہی جیلوں میں قید کر رکھا ہے، پنجاب کے مختلف شہروں میں سکھوں کے بڑے بڑے مظاہرے ہو رہے ہیں جن میں آزادی پسند سکھوں کی رہائی کا مطالبہ کیا جا رہا ہے۔سکھوں میں خالصتان کی بھاری حمایت کا اندازہ اس بات سے لگایا جا سکتا ہے کہ اب ہندوستان کی حکمران پارٹی ' بی جے پی' پنجاب کی وزیر اعلی بھگونت مان کی ' عام آدمی'' پارٹی کی حکومت پر الزام لگا رہی ہے کہ وہ خالصتان کے حامیوں کے خلاف سخت ترین کاروائیاں نہیں کر رہی اورپنجاب حکومت کو اس بات پہ مجبور کرنے کی کوشش کی جا رہی ہے کہ سکھوں کے خلاف 1984کی طرح ایک بڑا کریک ڈائون آپریشن کیا جائے۔