دل بعض و حسد سے رنجور نہ کر
یہ نور خدا ہے اس سے بے نور نہ کر
گاندربل۔ مقبوضہ کشمیر کےشمالی علاقے کمراز میں انجمن اردوصحافت کے زیراہتمام فزیکل ایجوکیشن کالج گاندربل میں منعقدہ یک روزہ ورکشاپ منعقد ہوئی ۔سینئر صحافی و تجزئیہ نگار یوسف جمیل نے تقریب سے خطاب کرتے ہوئے کہا کہ خبرنگاری کے بنیادی اقدارایک نامہ نگار کاکسی بھی واقعے ،حادثے یامعاملے کوغیر جانبدارنہ طورپر قارئین ،ناظرین یاسامعین تک پہنچانا سچی صحافت کابنیادی اصول ہے۔'' دور جدید میں صحافت کے بدلتے تقاضے'' کے موضوع پر منعقدہ ورکشاپ سے خطاب میں یوسف جمیل نے کہا کہ یہاں جمع میڈیا سے وابستہ افراد کواپنے طویل اوروسیع تجربات سے روشناس کرایا۔ ایک صحافی اورکسی بھی میڈیاادارے کی اعتباریت ا سوقت تک ہی لوگوں میں قائم رہ سکتی ہے ،جب تک ایک صحافی اورکوئی بھی میڈیاادارہ غیرجانبداری اورصحافت کے بنیادی اصولوں اورقواعد وضوابط کی پاسداری کرتا رہے گا۔انہوں نے کہاکہ ایک صحافی یانامہ نگار کیلئے یہ ضروری ہے کہ وہ کسی بھی بھی رونماہوئے واقعے،حادثے یامعاملے کے اصل حقائق کومن وعن جان لے تاکہ قارئین ،سامعین اورناظرین تک سچی اورصحیح بات ہی پہنچے ۔ یوسف جمیل نے کہاکہ کسی بھی واقعے یامعاملے کی غلط یا نامکمل معلومات کی بناپربنائی جانے والی خبریارپورٹ نہ صرف عوام میں بلاوجہ اضطراب ،پریشانی یانفاق کاموجب بن سکتی ہے ،بلکہ مذکورہ نامہ نگار خود بھی کسی بڑی پریشانی سے دوچار ہوسکتا ہے ۔انہوں نے نامہ نگاروں اورصحافیوں کوسنی سنائی باتوں پریقین نہ کرنے کی تلقین کرتے ہوئے کہاکہ کسی بھی واقعے سے متعلق ملنے والی اطلاعات یامعلومات کوکسی اورذریعے سے بھی جانچ لیاکریں ،اوراگرایک نامہ نگار کے پاس کسی بھی واقعے یامعاملے سے متعلق پختہ اورمصدقہ معلومات نہ ہوں تواس واقعے یامعاملے کوخبرکی صورت میں رپورٹ نہ کیاکریں ۔ کالج کے زمانے سے قلم کاری یاکالم نویسی کی شروعات کرنے کے بعدموقر انگریزی روزناموں ،رسالوں اوربین الااقوامی سطح کے میڈیا اداروں سے وابستہ رہنے والے سینئرصحافی وتجزیہ نگار یوسف جمیل کاکہناتھاکہ کسی بھی زبان میں صحافت کی جائے لیکن لازم ہے کہ ایک نامہ نگار کواس زبان پر کافی عبور اوردسترس ہو،جس زبان میں وہ نامہ نگاری یاخبرنگاری کرے ۔انہوں نے کہاکہ رپورٹنگ یاخبرنگاری کے کچھ بنیادی اصول اورضابط اخلاق ہوتے ہیں ،جن کی پاسداری کرناایک پیشہ ور اوراچھے صحافی کی اعتباریت کاپہلاپڑا ہے ۔ انجمن اردوصحافت جموں وکشمیر کی جانب سے منعقد کئے جانے والے سیمناروں اورورکشاپوں کی تعریف کرتے ہوئے یوسف جمیل نے کہاکہ میڈیا سے وابستہ افراد ایک دوسرے کے تجربات سے کافی مستفید ہوسکتے ہیں ۔ انہوں نے واضح کیاکہ صحافت کوئی تھیوری نہیں بلکہ پریکٹکل ہے ۔ ایک صحافی اورنامہ نگارکیلئے لازم ہے کہ وہ سچ کادامن تھامے رکھے اورلوگوں تک سچی بات ہی پہنچائیں ۔سینئرصحافی یوسف جمیل نے تقریباایک گھنٹے تک اپنے تجربات بیان کئے اوراسکے بعدانہوں نے ورکشاپ میں موجودعامل صحافیوں ونامہ نگاروں کی جانب سے پوچھے گئے سوالات کے جواب بھی دئیے ۔