دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر ۔ بھارتی مقبوضہ جموںوکشمیر میں کل جماعتی حریت کانفرنس اور دیگر حریت رہنمائوں اور تنظیموں نے اقوام متحدہ کی جنرل اسمبلی میں تنازعہ کشمیر اور کشمیرمیں بھارتی مظالم کو موثر طریقے سے اجاگر کرنے پر وزیر اعظم پاکستان عمران خان کا شکریہ ادا کیا ہے۔ کل جماعتی حریت کانفرنس کے ترجمان نے سرینگر سے جاری ایک بیان میں عمران خان کے خطاب کو سراہتے ہوئے کہا کہ وزیر اعظم نے نام نہاد بھارتی جمہوریت کا مکروہ چہرہ دنیا کے سامنے بے نقاب کر دیا ہے ۔ انہوں نے کہا کہ وزیر اعظم عمران خان نے اپنے خطاب میں نہ صرف کشمیری عوام کی نمائندگی کی بلکہ عالمی فورم پر مسئلہ کشمیر اجاگر کر کے کشمیریوں کے جذبات اور احساسات کی حقیقی ترجمانی کی۔