دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد(پی آئی ڈی) 03 مئی 2024۔وزیراعظم آزاد حکومت ریاست جموں و کشمیر چوہدری انوارالحق کی زیرصدارت آزاد جموں و کشمیر کابینہ کا اجلاس وزیراعظم ہائوس میں منعقد ہوا۔کابینہ کے اجلاس میں آزادکشمیر میں امن وامان کی صورتحال کو کنٹرول کرنے کیلئے کابینہ کی کمیٹی تشکیل دینے کی منظوری دی۔کمیٹی موسٹ سینئر وزیر کرنل(ر) وقار احمد نور کمیٹی کے سربراہ ہونگے جبکہ کمیٹی کے دیگر ممبران میں راجہ فیصل ممتاز راٹھور, دیوان علی خان چغتائی, چیف سیکرٹری آزادکشمیر داد محمد بڑیچ اور انسپکٹر جنرل پولیس سہیل حبیب تاجک شامل ہیں۔کابینہ نے فیصلہ کیا کہ کمیٹی کو آزادکشمیر میں امن وامان کی صورتحال بہتر بنانے کیلئے تمام اختیارات حاصل ہوں گے. کابینہ نے وزیر اعظم آزادکشمیر پر بھرپور اعتماد کا اظہار بھی کیا۔